مركب الشوق^_^

السبت فبراير 16, 2013 10:15 am

وأبحرت في بحر المحبه والأشواق

يم البلاد اللي بهـا اعـز مخلـوق
الصاحب اللي يمه الشعر ينسـاق

يزورني طيفه ولا فـارق المـوق
عند الغروب وعند لحضات الأشراق

محبته بالقلـب والقلـب صنـدوق
قفل عليه بزين وبحسـن الأخـلاق

آليا تبسم صبح والليـل مفهـوق
والخد كنه في دجى الليـل بـراق

والعين عين اللي برجلينه اسبـوق
حرً كفخ كفه على الصيد مشتـاق

في وصفه آبيات الغزل مالها ذوق
وتعجز بحور الشعر بجلال ودقـاق

ماشفت أنا مثله ولوحيت منطـوق
حتى القلم يعجز على بيض الأوراق

طال الغياب وباب الأحزان مطروق
متى بشاهد بيرق الوصـل خفـاق

ليت الليالي تلم عاشق ومعشـوق
ولاينكتب من بينهم كلمـة فـراق